Во шумата кај Купиново, Србија денеска дошло до пукање поради берењето татруфи. Како што јавуваат медиумите непознат напаѓач пукал во Никола С. (28) додека берел тартуфи.
Во него биле испукани повеќе куршуми, но во инцидентот за среќа нема повредени, објави Блиц.
Само пред неколку дена двајца браќа од Футог се убиени толкму поради берењето тартуфи кои на пазарот имаат голема цена. За нивното убиство се обвинети токму двајца браќа.
Овие скапоцени печурки годинава во Србија се продаваат и за 500 евра по килограм, а нивната цена може да биде и многу повисока, зависно од видот и квалитетот, а некои за тартуфите може да добија и помалку од 100 евра.
Растат само на одредени подрачја и тоа под земја, и заради тоа за нивна потрага неопходни се или свињи кои природно ги привлекува нивниот мирис, или кучиња посебно дресирани за тоа. Според одресени проценки, за кученце да се издресира за трагање по тартуфи, треба да се вложи од 500 до 1.000 евра за степен на дресура.
Во светот постојат повеќе стотини видови тартуфи од кои само десетина може да се јадат. Главно растат во шумите ширум Европа, а во последно време ги наоѓаат во Орегон, САД и во Австралија.
Во регионот, еден од најбогатите места со тартуфи е Истра. Тука се наоѓаат неверојатни 7-9 тони годишни, од кои 30 отсто се црните тартуфи, кои се чести, а 70 отсто се бере бел сезонски тартуф кој може да се најде само во периодот од септември до декември и цената на пазаорт му е многу поголема, а достигнува и до неверојатни 5.000 евра за килограм.
