Пејачката Теодора Џеверовиќ го прослави својот 29-ти роденден во тајност, и тоа малку порано, пред вистинскиот датум.
Таа ги собра најблиските луѓе и направи тематска забава во стилот на 2000-тите и филмот „Зли девојки“ и сè беше во розови тонови.
Но, фотографиите и видеата од тајната прослава веќе почнаа да се споделуваат на социјалните мрежи. Дрес-кодот беше „секси и урбан“, а славеничката носеше кафеав корсет, тексас шорцеви и чизми со високи потпетици, додека аутфитот го комплетираше со синџирчиња и впечатлив накит.
Она што привлече најголемо внимание беше детаљот што беше наведен на поканата, а се однесуваше на подарокот. Пејачката им порача на блиските да не ѝ купуваат никакви подароци, туку да носат пари за да ги донираат на оние на кои им се најпотребни.
– Не купувајте подарок за роденден! Ме направивте среќна затоа што дојдовте! Наместо подарок, на влезот ќе има кутија за пари што ќе одат во хуманитарни цели и таму можете да го дадете вашиот придонес – пишувало на поканата, а нејзиниот гест ги воодушеви луѓето.
Инаку, Теодора се огласи на својот инстаграм-профил по повод роденденот.
– Мојот роденден е утре, но ви благодарам на сите за честитките однапред. Ви благодарам на сите што придонесоа синоќа за луѓето во неволја. Ќе направиме некого среќен, се надевам! Ви благодарам – напиша пејачката.
