Наталија Ѓорѓиеска, сопругата на Андреј од „ДНК“ сподели срцепарателен спомен на својот сакан, кој трагично загина во пожарот во Кочани на 16 март.
Таа објави фотографија од Андреј и раскажа како се чувствува низ песната која ја сподели, од Бенсон Бун:
-Те молам остани. Те сакам, ми требаш, о Боже не земај ги овие прекрасни работи што ги имам – е рефренот на песната преведен од англиски кој Наталија го споделила со неговата фотографија.
Неодамна, Наталија сподели персонализирана фотографија со циркони која е изработена специјално за Андреј, а покрај неа пишува:
– Во чест на нашиот непреболен Андреј од „ДНК“. Твојата енергија, твојот глас и твојата насмевка останаа како ехо што никогаш не замолкнува.
Препознатлив, неповторлив, глас што носеше радост, љубов и младешка сила. Секој блесок на цирконите ја раскажува твојата приказна.
Ти благодарам Андреј, што остави трага што свети и понатаму. Оваа фотографија ја посветуваме на семејството на Андреј и на сите негови обожаватели – пишува во посветата.
Андреј и Наталија се венчаа во октомври во 2015, а на 29 ноември истата година им се роди ќерката Јана.
