Анета Ристевска е голема љубителка на цвеќиња, а тоа се гледа и од нејзиниот прекрасен двор во Битола, каде таа го наоѓа својот мир.
– Се грижам за цвеќињата колку што имам време, работните обврски не ми дозволуваат премногу, но сепак се снаоѓам и им посветувам доволно внимание на цвеќињата. Купувам цвеќе колку што ми дозволуваат финансиите. Мојот двор не е како некој од бајките, но не го запоставувам, се грижам за него затоа што тој е мојот мир и рај од секојдневните активности – искрена е Анета.
Таа најмногу се посветува на цвеќињата од нејзиното семејство, ги полева наутро и навечер, а инаку цел живот одгледува цвеќе.
Со оглед на тоа што дворот е прилично голем, Анета одгледува и зеленчук.
– Не двоумете се да си ги исполните желбите да имате своја оаза и мир во душата, а рај за очите. Ништо не е тешко ако се има љубов за нешто – советува Анета и додава дека „цвеќето е како дете, го сакаш, му обрнуваш внимание, се грижиш за него и тоа ти враќа со љубов“.
Инаку, Анета е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во фотогалеријата.
Фото – приватна архива
