Вчера трагично починатата пејачка Ксенија Пајчин ќе наполнеше 48 години, а по тој повод се огласи нејзината сестра Миа Пајчин, која сподели досега необјавена нивна заедничка фотографија и емотивна порака што ги потресе сите кои ја паметат Ксенија.
Ксенија го загуби животот кога нејзиниот тогашен дечко, Филип Каписода, ја усмрти, по што си го одзеде и сопствениот живот. Години подоцна, болката во семејството не стивнува.
Миа на својот профил напиша трогателни зборови за својата постара сестра:
„Те сакам. Мислам на тебе секој ден и сè повеќе ми недостасуваш. Често нè замислувам – јас со мои 28, ти со 48 – како би било, како сè би изгледало полесно и поубаво ако беше тука. Сè би дала да те прегрнам уште еднаш. Знам дека ме чуваш. Ќе се видиме еден ден,“ напиша Миа под фотографијата.
Емоцијата, тагата и љубовта што зрачат од нејзините зборови уште еднаш покажуваат колкав белег остави Ксенија врз своето семејство и колку силно е сè уште присутна во нивните животи.
