Синот на Ѓорѓе Балашевиќ, Алекса Балашевиќ, вчера со семејството ја одбележа куќната слава Свети Јован, а ден претходно, на Богојавление, учествуваше во пливањето по Светиот крст.
Алекса на 19 јануари влезе во студените води на Дунав, а целиот настан го следеше неговата ќеркичка Верица, на која гордо ѝ го подаде извадениот Свет крст.
Празничните денови отсекогаш имале посебно значење за семејството Балашевиќ, па Алекса еднаш сподели и како се славела славата додека неговиот легендарен татко Ѓорѓе бил жив. Иако бил домаќин и глава на семејството, палењето на славската свеќа музичарот му го препуштал токму на својот син, кој и денес ги негува сите православни обичаи. Алекса ги продолжува истите вредности и сега на нив ја учи и својата миленичка ќерка.
