Танчарот Ѓоле Ѓогани, пред бракот со Весна Ѓогани, беше оженет со пејачката Слаѓа Делибашиќ, со која има две ќерки. Иако одамна не се заедно, нивниот развод и денес е тема на јавни коментари.
Во една прилика, Ѓоле отворено проговори за деталите од бракот со Слаѓа и откри што, според него, било пресудно за крајот на нивната заедница.
„Кога ја градевме куќата во која денес живее Слаѓа, правев два ката и голем двор. Си го замислував животот со неа, како еден ден ќе печам скара со внуците. Сè ми беше јасно и испланирано. А потоа, одеднаш, крај. Бев изгубен и не знаев како понатаму“, раскажа Ѓоле во документарен филм.
Тој објасни дека сакал заедно да побараат стручна помош, најмногу поради децата и новата ситуација во која се нашле.
„Ја повикав да одиме на разговор, да видиме како ќе функционираме понатаму и како ќе се однесуваме кон децата, бидејќи јас не знаев како. Ме погледна самоуверено и ми рече: ‘Ти треба да одиш на психијатар’. Еднаш успеав да ја однесам, но не ѝ се допадна“, вели Ѓогани, кој тврди дека вината за разводот не била негова.
Според него, во тој период околу Слаѓа се појавиле луѓе и влијанија кои ја оддалечиле од семејниот живот.
„Не бев јас причината за разводот, туку таа. Немавме многу, но околу неа се појавија луѓе со поинаков стил на живот и мажи кои ѝ ветуваа сè и сешто. Таа се изгуби и почна да бара од мене поголема слобода отколку што, според мене, треба да има една сопруга и мајка на две деца. Сакаше да излегува со другарки до два по полноќ, а јас да седам дома и да ја чекам. Тоа беше еден од нејзините услови. Јас не можев да го прифатам тоа и реков дека е подобро сè да заврши“, искрено призна Ѓоле.
Подоцна, и Весна Ѓогани изнесе тврдења дека Слаѓа наводно го изневерувала Ѓолета, повикувајќи се на сведоштва од блиски луѓе од нивното опкружување. Таа додаде дека и самата Слаѓа, во неколку телевизиски гостувања, изјавила дека сакала да биде самостојна и дека веќе не чувствувала љубов кон поранешниот сопруг.
