Викторија и Дејвид Бекам се појавија на црвениот тепих на премиерата на нивната долгоочекувана документарна серија од четири дела „Бекам“ која се прикажува на Нетфликс.
Новиот документарен проект „Бекам“ ја раскажува приказната за славниот фудбалер и неговото семејство.
На црвениот тепих им се придружија и нивните четири деца – 21-годишниот Ромео со својата девојка Миа Реган, 18-годишниот Круз и 12-годишната Харпер, па дури и Бруклин Бекам (24) се појави со сопругата Николај Пелц, побивајќи ги гласините дека не комуницирал често со родителите, откако се преселил во САД.
View this post on Instagram
Мајката на Дејвид, Сандро, која е вклучена во документарната серија, и неговиот татко, Тед, исто така му се придружија на семејството на премиерата, како и родителите на Викторија, Џеки и Тони Адамс.
Големиот настан го привлече вниманието на познатите личности, меѓу кои Џејмс Корден, Ана Винтур, Холи Ремзи и многу други.
За да го прослави објавувањето на документарецот, 49-годишната Викторија блесна во елегантен бел костум. Дејвид пак, изгледаше многу елегантно во темно сино одело и кафени мокасини.
„Кога се пензионирав пред десет години, луѓето почнаа да ме прашуваат дали ќе снимам документарец за мојот живот и кариера, тогаш не бев подготвен да погледнам назад“, рече тој.
„Не бев подготвен да навлегувам во детали, толку многу работи се случија и не бев подготвен да го сфатам тоа. Но, во пресрет на 10-годишнината од моето пензионирање, сметав дека е вистинско време. Да бидам искрен, сакав да направам нешто за неговото семејство, за нашите пријатели и за моите фанови, кои поминаа низ сето тоа со мене“, изјави Бекам на премиерата.
