„Си добив уште еден син“, напиша на Фејсбук Јован Дебарлиев, сопругот на ТВ-презентерката Билјана Дебарлиева, по венчавката на нивната ќерка Ана.
Ана се омажи за Стефан Бошковски, а на фотографиите може да се забележи дека младите имале убава забава со најблиските.
Билјана Дебарлиева изгледа шик на фотографиите од венчавката. Таа избрала широки панталони со палто кои одлично ѝ стојат, а невестата е облечена во тесен бел фустан.
Уште една убава вест е што младите, според фотографиите коишто се објавени, очекуваат принова, што значи дека Билјана и Јован наскоро ќе станат баба и дедо.
Во една прилика, во интервју за „Слободен печат“, Дебарлиева рече дека своите деца, Ана и Мики ги остава самите да ги носат своите одлуки за иднината, а таа и сопругот се тука да ги поддржат.
– Времињата многу се сменија. Оставам да си го планира животот, да види што ѝ е приоритет во моментот и кои ѝ се желбите сега и за во иднина. Дали порано или подоцна, би рекла дека сè си има предности и недостатоци и затоа е најдобро да оставиме работите сами да се случуваат – одговори Билјана на прашањето дали ја советува ќерка си млада да се омажи како што направила таа.
