Познатата пејачка Елена Ристеска вчера наполни 40 години. Овој посебен ден беше исполнет со многубројни честитки од нејзините бројни фанови, пријатели и колеги, но една честитка особено се издвои — онаа од нејзината сестра.
Преку емотивна објава на социјалните мрежи, Драгица, сестрата на Елена, сподели фотографија на која се појавуваат заедно со Делфина, внуката на Елена, ќерка на Драгица.
Покрај фотографијата, сестрата на Елена напиша кратка, но исклучително моќна порака на англиски јазик, која открива многу за нивниот однос: „Среќен роденден. Да имаш сестра е како да имаш пријател за цел живот“.
Елена Ристеска, која веќе две децении е присутна на македонската музичка сцена, во последните години успешно плови и во бизнис-водите со својата козметичка линија, но секогаш нагласува дека семејството е нејзиниот најголем приоритет и најсилна поддршка.
