Интересна ситуација се случи на настап на фронтменот на „Магла бенд“, Владан Савиќ, кога обожавателка од прв ред му подаде ливче со телефонски број.
Пејачот се доближил до девојката и го земал ливчето, но откако видел што пишува на него, реагирал на начин што брзо стана хит на социјалните мрежи.
Со насмевка, Савиќ веднаш ја покажал бурмата, јасно ставајќи до знаење дека е оженет и не е заинтересиран. Потоа ливчето го оставил кај свој колега на сцената.
Неговата реакција наиде на бројни позитивни коментари на социјалните мрежи, каде корисниците го пофалија неговиот гест и начинот на кој ја „решил“ ситуацијата.
Инаку, Савиќ ретко го изложува својот приватен живот во јавноста. Неговата сопруга не сака медиумско внимание, што, како што има изјавено пејачот, е нивен заеднички договор. Сепак, таа повремено се појавува на неговите концерти и му дава поддршка.
