Филмското остварување, кое премиерно беше прикажана на 25 јануари во Русија, за првпат пред камерите ги собра познатиот српски актер Милош Биковиќ и неговиот брат – архимандрит Михаило Биковиќ.
Документарниот филм посветен на првиот архиепископ на СПЦ и српскиот просветител Свети Сава на руската режисерка Анжелика Кареткина „Свети Сава: руска боја на српското знаме“ беше прикажан во понеделник во Руска куќа.
Игуменот на манастирот Јованје ја угости режисерката со која разговараше за односот меѓу Руската и Српската православна црква, додека Милош со неа прошета низ манастирот во градот Волоколамск во Руската Федерација и се осврна на српскиот завет што го оставил Свети Сава.
Заснован на животот на светителот, филмот ја обработува темата на вековните врски меѓу српскиот и рускиот народ.
Филмската екипа од самото срце на Русија и Кремљ го посети Белград и местото каде што беа запалени моштите на Свети Сава и каде што е изграден величенствен храм во чест и спомен на светецот – едно од најголемите православни светилишта.
Филмот ги прикажува местата што ги посетил Свети Сава – античките планински манастири каде што се молел.
Пред филмот за Свети Сава, оваа режисерка работеше и на филм за Свети Василиј Острошки, а сака да режира и филмска документарна приказна за владиката Николај Велимировиќ, како и за Свети цар Лазар.
