Концертот на српскиот фолк-пејач Аца Лукас, кој требаше да се одржи кон крајот на декември во клуб во Бања Лука, е откажан. Од клубот се огласија и ја открија причината за ваквата одлука и наведоа дека ќе им ги вратат парите на оние кои веќе купиле билети.
Имено, како што соопштиле од клубот каде што Аца Лукас требало да настапи кон крајот на декември, сите што веќе купиле билети ќе можат да добијат поврат на парите на местото каде што биле купени билетите.
Тие исто така навеле и дека им е жал поради настанатата ситуација, но дека биле принудени да ја донесат оваа одлука поради, како што велат, непредвидени организациски околности.
View this post on Instagram
– Го откажуваме концертот на Аца Лукас кој беше најавен во склоп на нашата новогодишна програма. На сите посетители ќе им бидат вратен целиот износ. Начинот и постапката за рефундација ќе ги објавиме во текот на денот на нашите официјални канали за комуникации – напишале тие на инстаграм-страницата на клубот „Клуб 17“.
