Една од најспектакуларните олимписки учеснички, пливачката Луана Алонсо, беше исфрлена од Олимпиското село во Париз. Оваа одлука ја донесе Парагвајскиот олимписки комитет. Девојката беше обвинета дека им го одвлекува вниманието на другите натпреварувачи со нејзината разголена облека, пренесува Дејли меил.
На 20-годишната атлетичарка ѝ беше наредено да го напушти натпреварувањето, откако претставниците на Олимпискиот комитет на Парагвај изјавија дека таа создала „неприфатлива атмосфера“ со своето однесување.
View this post on Instagram
Луане Алонсо, која загуби на првиот ден од Олимпијадата, беше видена облечена во проѕирна облека, а не во официјалната униформа на репрезентацијата на Парагвај. Таа, исто така, беше видена како комуницира со други спортисти и беше кажано дека „им го одвлекува вниманието на нејзините соиграчи кои сè уште се натпреваруваат“.
View this post on Instagram
Во француската престолнина Алонсо се забавуваше на забави, во ресторани и споделуваше гламурозни кадри со своите 500.000 следбеници на социјалните мрежи.
View this post on Instagram
Вообичаено, сите спортисти остануваат до крајот на Олимпијадата, каде што учествуваат во возбудливата церемонија на затворање, а потоа и на бурните забави во градот домаќин. Но, овој пат, официјалните лица одлучија да не дозволат на пливачката да им се придружи на другите членови на тимот, откако станаа свесни за нејзиното однесување. Новинарите сметаат дека одлуката предвреме да се испрати дома е манифестација на гнев од страна на Парагвајскиот олимписки комитет. Директорката на олимпискиот тим на Парагвај, Лариса Шерер, во изјавата за нејзиното заминување рече: „Нејзиното присуство создава несоодветна атмосфера во тимот на Парагвај. И благодариме што ги следеше упатствата што ги доби бидејќи доброволно не преноќуваше во Спортското село“.
View this post on Instagram
За време на нејзиниот престој во Париз, Луана ги посети Еуро Дизни(ленд), музеите, познатата француска слаткарница Ладуре и уживаше во малопродажната терапија во водечката продавница на модниот дизајнер Ив Сен Лоран на Шанзелизе.
View this post on Instagram
View this post on Instagram
