Само неколку дена по породувањето, пејачката Милица Тодоровиќ се најде во центарот на вниманието поради бурните написи за нејзиниот љубовен живот.
Во медиумите се појавија тврдења од сопругата на мажот со кој пејачката доби син, која реши јавно да ја изнесе својата страна од приказната и да открие досега непознати детали за нивниот однос.
По сите шпекулации, Милица се огласи на социјалните мрежи и сподели силна порака исполнета со вера и охрабрување, со која очигледно се поистовети.
„Не се оптоварувај премногу. Бог те гледа. Знае низ што поминуваш. Знае дека си уморна. Знае дека си дала сè од себе. Знае дека си збунета од иднината. И покрај сè – продолжуваш понатаму. Не се откажа, а Бог се радува на тоа. Ти си силна жена, помина низ секоја бура и остана исправена. Плачеше ноќи, но Бог ти даде сила повторно да станеш. Тоа што требаше да те скрши, те направи посилна – и затоа Му благодариш“, стои во објавата.
Нејзините зборови предизвикаа бројни реакции и пораки на поддршка од следбениците, кои во пораката препознаа лична борба, но и надеж.
