Милан Станковиќ кој ретко го гледаме во јавноста, се огласи на еден од најголемите празници посветени на Пресвета Богородица.
Имено, пејачот ја посети црквата „Слегување на Светиот Дух“ на апостолите во Обреновац од каде објави фотографија и испрати моќна порака на својот инстаграм-профил.
Милан го напиша следново покрај фотографијата што ја објави: „Го славиме раѓањето на Пресвета Богородица со нашето семејство. Почесна од Херувимите и неспоредливо пославна од Серафимите“.
За потсетување, поранешниот пејач Милан Станковиќ се повлече од музичката сцена пред неколку години, а оттогаш малку се знае за неговиот приватен живот во јавноста. Сепак, познато е дека се посветил на духовниот живот и дека поминува многу време во манастири, каде што наводно бил и послушник.
