Турската актерка Мерјем Узерли на 12 август годинава наполни 40 години. Домашната јавност имаше можност да ја запознае преку ликот на султанката Хурем во хит серијата „Сулејман Величансвени“ и оттогаш будно ја следи нејзината работа.
Мерјем Узерли, во меѓувреме, направи серија естетски корекции за да го поправи изгледот, но сега нејзините обожаватели повеќе не ја препознаваат убавата Хурем во неа.
Имено, актерката не одолеа на трендот за вечна младост, а кога влезе во петтата деценија од животот сакаше да промени повеќе нешта што не ѝ се допаѓаат на себе.
Освен ботокс, корегирани ѝ се и јагодиците. Сега според добар дел од фановите, нивната миленичка Хурем е непрепознатлива.
На последните фотографии, кои ги објави на својот Инстаграм профил, Мерјем со другарките гледаше кошаркарски натпревар. Ќе ја препознаете?!
Иако високата долга плетенка беше во центарот на вниманието, сепак плетенката не беше најкоментираната работа кај актерката туку подигнатите нагласени јаболчници, косите очи и беспрекорно затегнатото лице – поради што многумина коментираа дека повеќе не личи на себе.
Сепак, имаше и фанови кои го поддржаа нејзиниот нов имиџ и ѝ доделиа комплименти.
