12:13 - 16 ноември, 2026

Марија Шерифовиќ го прослави 42. роденденот и ја напушти Србија: Со Јована Пајиќ донела одлука, ги промениле сите планови

Пејачките Јована Пајиќ и Марија Шерифовиќ повторно отидоа на заедничко патување. Српските медиуми ги затекнале на аеродромот, каде што се појавиле со своите куфери, само еден ден откако Марија го прослави 42-от роденден.

Како што откриле, овој пат решиле да ги променат своите планови кога е во прашање дестинацијата, демантирајќи дека повторно ќе патуваат на Бали.

„Не, менуваме“, рече Шерифовиќ со насмевка.

Марија Шерифовиќ го прослави 42-от роденден само еден ден пред да замине на патувањето. По тој повод, таа објави на социјалните мрежи фотографија од изненадувањето што нејзиниот син Марио го подготвил за неа, но и емотивната порака во која се осврнала на претходната година и промените низ кои поминала.

Во таа прилика Марија признала дека зад неа е период полн со предизвици, во текот на кој се соочила со сопствените стравови и се запрашала за многу работи.

„Ух… Претходната година беше неверојатно предизвикувачка. Никогаш не сум подлабоко копала по себе, никогаш не сум била поискрена со сопствените стравови, слабости, вистини и сите оние делови од себе кои понекогаш е полесно да се премолчат отколку да се разберат. Денес можам да кажам дека сум посвесна. Помирна. Поотворена. Дека сè повеќе му верувам на животот. Луѓето… Онака“, рекла Марија.

Таа истакнала и колку е благодарна за луѓето што останале покрај неа, но и за лекциите што ги научила во текот на претходната година.

„Благодарна сум за сè што имам. И за сè што немам, бидејќи научив дека дури и отсуствата можат да бидат благослов. Благодарна сум и на луѓето кои денес се дел од мојот живот. На оние што останаа, кои разбираат  и кога молчам и кои се рамото на кое, вистина, ретко се потпирам. Но, си ветувам себеси дека во годините што доаѓаат, ќе го правам тоа почесто, бидејќи конечно сфатив дека не морам сè да правам сама. И дека во ред е понекогаш и јас да одморам.“

 

View this post on Instagram

 

A post shared by Marija Serifovic (@serifovic)


Посебен дел од роденденска објава посветила на својот син, за кого истакнала дека ѝ го променил погледот кон животот и ја научил на некои нови форми на љубов.

А потоа ја погледнувам оваа фотографија… И сфаќам дека, и покрај сите мои борби, преиспитувања, победи и порази, најголемата промена во мојот живот дојде тивко, во форма на еден мал човек. Тој ме учи секој ден на сè што мислев дека веќе го знам. Љубов. Трпение. Нежност. Присутност. И дека животот не е само она што го освојуваме, градиме и преживуваме, туку, пред сè, она што го имаме со кого да го споделиме.“

„Затоа денеска не славам само уште една година од мојот живот. Ја славам Марија во која станав. Онаа што сè уште ја запознавам. И онаа која со неговото доаѓање повторно се роди. Среќен ми роденден“, заклучила пејачката.

 

Слични објави

Ручек што можете да го подготвите однапред — рецепт за кремасти макарони со чедар и пармезан

К.С.

(Видео) „Викенд на мртовци“ бил поголем кинохит во Скопје од „Кум“ и од филмовите со Лепа Брена: Игор Џамбазов сподели анегдоти од снимањето на култната македонска комедија

Еспресо

Запален автомобилот на Александра Пријовиќ и Филип Живојиновиќ: Пожарот зафатил и друго возило, полицијата пред нивниот дом

Еспресо

(Фото) Вистинска дама — Ирена Спировска блесна во маслинесто-златна тоалета со кристали на „Фолк фест Роса“

К.С.

Хороскоп за 16 ноември: Ракови, верувајте ѝ на вашата интуиција

Еспресо

Една порција зелен лиснат зеленчук дневно — што открива истражувањето за помнењето во повозрасната доба?

К.С.
Се вчитува....