Нашата позната водителка Марјана Станојковска објави фотографија во секси, но и елегантно издание, а двајца познати мажи се смешкаат до неа.
Фотографиите се од фестивалот „Макфест“, кој почна вчера, а ќе трае и денеска и утре (24 и 25) октомври во Штип, а Марјана е водителка на настанот, заедно со Димитар Атанасовски.
Токму Димитар е со неа на црвениот тепих, како и Јован Јованов кој дошол од Канада каде што долго време живее, а тој е дел од организацијата на овој наш познат фестивал кој годинава слави 40 години.
Нашата убава водителка за првата вечер на фестивалот одбрала бел долг тесен фустан со деколте, кој ги истакнува нејзината става и облини и одлично ѝ стои.
– Песната живее — 40 години „Макфест“. Четири децении љубов кон музиката, кон емоцијата што нè спојува! Од Штип до цела Македонија, сцената каде се родија безвременски хитови и нови музички ѕвезди. Оваа година славиме традиција, талент и магија на песната! – напиша Марјана покрај фотографиите.
