Кијану Ривс уште еднаш ја оправда титулата за најпријателски холивудски актер кога се појави во еден британски паб и со своето доаѓање ги воодушеви сите присутни, особено вработените.
Актерот моментално престојува во малото гратче Тринг, а слободното време решил да го искористи за да посети еден локален паб и на тој начин ги изненадил вработените кои ја споделиле приказната на Фејсбук страницата на пабот.
„Тој им подаде рака на сите“
„Денес имавме изненадувачки гостин на ручек. Колку убав човек. Го прашавме дали би сакал да се фотографира со екипата од кујната, а тој веднаш влезе во кујната, им подаде рака на сите и ја пофали храната. Непотребно е да речам, го разубави денот“, напишаа тие.
Вработена во пабот открил за британскиот Метро дека актерот нарачал пиво, риба и чипс и парче пита со месо во пабот и дека бил сам.
View this post on Instagram
Миленик на јавноста
Добро познат факт е дека Кијану Ривс не живее типичен живот на славна личност.
Имено, и покрај огромното богатство, актерот не живее во замок ниту има телохранители, а сака да се вози во метро и да им помага на бездомниците, со кои често пие пиво.
Ривс е познат како многу скромно момче кое ги воодушевува обожавателите со своето однесување. Без разлика дали се поклонува на сцената или начинот на кој се фотографира со обожавателите, холивудскиот актер одново и одново ги воодушевува обожавателите со своите топли гестови.
