Јордан Митев го покажа својот дом кој го уредил со вкус и важни детали. Пејачот објави видео на Фејсбук во кој им ја соопшти важната новост на своите обожаватели.
– Здраво на сите, се надевам дека сте ми добри, во добро здравје и расположение. Сакам да ве информирам дека на 31 декември за Нова година ќе гостувам во Швајцарија, во близина на градот Арау.
Сите кои сакате да ја дочекате Новата година во добро расположение и со одлична песна, повелете – рече Јордан Митев во ова видео.
А на видеото се гледа дека за него во домот се важни и најскапоцени деталите, иконите на ѕидот и старите и нови семејни фотографии кои се гледаат во позадина.
Емотивна приказна раскажа Митев неодамна за својот син Кристијан кој се роди на 27 септември оваа година. Митев и неговата сопруга Славица ја имаат ќерката Кристина, која наполни две години.
– Почитувани пријатели и фанови. Наскоро излегува уште една моја нова песна, овојпат посветена на мојот син и на сите македонски синови коишто ќе се раѓаат во иднина – објави пејачот.
