Лидерот на Северна Кореја, каде голем дел од луѓето сонуваат за одредена храна, се сретна со рускиот претседател во регионот Амур, каде што пристигна со личен оклопен воз.
Преговорите меѓу Путин и Ким Џонг-ун на космодромот Восточни во регионот Амур веќе завршија. Тие траеја повеќе од 4 часа, но на новинарите им беше дозволено да влезат само девет минути. Но, по средбата рускиот претседател на севернокорејскиот лидер му приредил луксузна вечера, чие мени се појави на Интернет, пишува ТАСС.
Шефот на Северна Кореја пристигна во Руската Федерација со личен оклопен воз, како и во 2019 година. Тој не користи авиони за меѓународни патувања.
На станицата Хасан во Приморската територија, Ким Џонг-ун го пречека шефот на руското Министерство за природни ресурси Александар Козлов. Патувањето траеше три дена, бидејќи возот на Ким Џонг-ун тргна од Северна Кореја попладнето на 10 септември. Не се знае точно кој го придружувал на патувањето. Целосниот состав на делегацијата не беше официјално соопштен.
Русија е првата држава што Ким Џонг-ун ја посети од почетокот на пандемијата на коронавирус, при што беа затворени границите на земјата. Последен пат лидерот на Северна Кореја кога формално отпатува во странство беше на 30 јуни 2019 година, кога се сретна со тогашниот американски претседател Доналд Трамп на граничниот премин Панмунџом во демилитаризираната зона меѓу Република Кореја и Северна Кореја.
Средбата меѓу Путин и Ким Џонг-ун се одржа на космодромот Восточни. Делот од разговорот отворен за печатот траел околу девет минути. Говорот на Путин траел околу 3,5 минути, а говорот на Ким Џонг-ун околу 5,5 минути.
Но интересно е тоа што следувало потоа – вечерата. Станува збор за гала вечера, според она што го пишуваат руските медиуми. Малку подоцна „исплива“ фотографија од менито на социјалните мрежи.
„За главно јадење, тие традиционално служеа две јадења од кои може да се избере: есетра (вид риба) со печурки и компири или ентрекота (стек) од говедско месо со печен зеленчук“, објави РосСМИ.
Во исто време, во самата Северна Кореја има недостиг од храна долги години. Кога Ким Џонг-ун почна да се појавува во јавноста со својата ќерка Ким Ју-ае, се покажа дека граѓаните се револтирани од изглед на „раскошната“ ќерка.
Да потсетиме дека за време на четиричасовната средба со Владимир Путин, Ким Џонг-ун рече дека веднаш штом стапнал на руска почва, веднаш „станал директен сведок на значајните достигнувања на рускиот народ во градењето на силна, модерна Русија под водство на другарот Путин“.
Според руските медиуми, за време на вечерата Путин цитирал поговорка, изјавувајќи за време на здравицата дека „стариот пријател е подобар од двајца нови“ и се напил „за здравје на другарот претседател и на сите присутни“.
