Носталгична приказна од минатото сподели поп-ѕвездара Каролина Гочева на својот инстаграм-профил.
– Јас со неполни 13 години за првпат на насловна на Екран – напиша Каролина до фотографијата која ја сподели па додаде:
– За оние кои не знаат, тогаш „Екран“ беше веројатно најзначајниот пишан музички медиум кај нас.
Синоќа кога ми ја испратија сликава во погледот си ја видов возбудата и тремата што како срамежливо и несигурно детенце ја почувствував кога се јавија и кажаа дека сакаат да ме сликаат за насловна. Една недела подоцна, дојдоа дома во Битола, во куќата каде пораснав.
Сликава ме натера и да размислам колку време е поминато од тогаш, заедно со еден куп исполнети и неисполнети желби и соништа, (како и во сечиј живот).
Единствено останаа непроменети мојата желба музиката да биде дел од мојот живот и мојата верна придружничка – тремата.
Секако, благодарност до ВБУ Музички регистар што постојано изненадуваат со вакви заборавени „blast from the past“ моменти. Па дечки, мислев дека само мојата сакана баба Љупка имаше ваква архива – рече Каролина за својата покојна баба.
