Манекенката Џорџина Родригез присуствуваше на натпреварот меѓу Швајцарија и Португалија на Светското првенство во Катар. Девојката на Кристијано Роналдо сподели фотографија од стадионот со фановите на нејзините социјални мрежи.
28-годишната манекенка дојде на стадионот да му даде поддршка на своето момче, португалскиот фудбалер Кристијано Роналдо. Џорџина Родригез носеше тесен црн фустан во комбинација со зелен макси кардиган, и сребрени чевли со високи потпетици.
View this post on Instagram
Изгледот го комплетираше со класична чанта од француската модна куќа Шанел и многу накит. Според експертите, вкупната вредност на накитот што го носеше Родригез за натпреварот изнесува околу 2,2 милиони долари.
Џорџина Родригез и Кристијано Роналдо се во врска од 2016 година. Фудбалерот и манекенката имаат две заеднички деца: 5-годишната Алана и седуммесечната Бела. Спортистот има уште три деца: 12-годишниот Кристијано Џуниор и 5-годишните близнаци Ева и Матео.
