Атиџе Муратова, хероината на документарниот филм „Медена земја“ денес има голем повод за славење и за частење.
Имено, славната пчеларка од овчеполското село Бекрирлија денеска слави роденден, а на Фејсбук ѝ го честиташе нејзината пријателка Татјана Тајчи Додева. „Среќен роденден мила, најмила земјачке. Да си жива и здрава, секогаш весела“, напиша таа на Фејсбук.
Од апсолутно непознат лик, Атиџе Муратова стана планетарно славна преку улогата наглавниот лик од „Медена земја“. Скромна, едноставна, стигна дури и до Холивуд, а по низата ангажмани и обврски, потоа повторно се сврте на секојдневниот живот во селото Бекирлија.
Документарниот филм „Медена земја“ на режисерите Љубомир Стефанов и Тамара Котевска, преку несекојдневната животна приказна на Атиџе ја пренесува пораката на жената која живее во симбиоза со природата.
Многу хумани луѓе, на иницијатива на Сузана Турунџиева помогнаа да се изгради новата куќа на Атиџе во селото Дорфулија. Неодамна, Атиџе покажа како живее во новиот дом, во кој често има гости.
