Водителката и манекенка Данијела Димитровска вчера тајно стапи во брак со својот партнер Јеврем Косниќ.
По црковното венчавање, двојката организираше интимна прослава во еден белградски ресторан, а Данијела блесна во елегантен и впечатлив стајлинг што привлече големо внимание.
За својот посебен ден, таа избра префинет, но исклучително моќен изглед. Данијела носеше бел фустан од колекцијата на Викторија Бекам, чија цена изнесува околу 1.300 евра. Станува збор за модел што ја следи линијата на телото, со суптилни процепи на ракавите и набори околу колковите. Интересно е што истиот фустан го носела и самата Викторија Бекам при вечера со сопругот Дејвид и принцот Чарлс.
Манекенката внимаваше на секој детаљ – за време на црковната церемонија на главата носеше марама, додека преку фустанот имаше бел капут со сатенски ревери. Станува збор за струкиран модел од познат моден бренд, чија цена се движи околу 2.800 евра.
Стајлингот го заокружи со елегантни бели чевли со сребрени детали, дело на полска дизајнерка која е омилена меѓу холивудските ѕвезди како Лејди Гага и Кети Пери. Цената на чевлите изнесува околу 1.400 евра.
