Бритни Спирс и нејзиното момче станаа главна тема на медиумите откако дошло до голема расправија меѓу двајцата.
Службата за итни случаи морала да одговори на инцидентот меѓу пејачката и нејзиното момче Пол Ричард Солиз кој се случил во хотелот Шато Мармонт во Лос Анџелес рано наутро во четвртокот.
Според изворите, дошло до расправија,додека биле во овој луксузен хотел. Портпаролот на противпожарната служба во Лос Анџелес, Брајан Хемфри, потврди за „Пејџ сикс“ дека повикот кон 911 (бројот за итни случаи во САД) се случил околу 12.42 часот.
UPDATE: Paramedics were called because Britney Spears injured her leg, not because she was having a breakdown. #JusticeForBritney pic.twitter.com/YcmNFVGWbP
— Britney Stan 🌹 (@BritneyTheStan) May 2, 2024
Извор изјави дека Спирс го напуштила хотелот со обезбедување и дека сега е „дома и на безбедно“. Инаку, сведоците на настанот велат дека го напушта хотелот боса, во долна облека, завиткана во ќебе додека во рацете држела перница.
По инцидентот, извори ексклузивно изјавија за „Пејџ сикс“ дека пријателите на пејачката сè уште се многу загрижени за нејзината врска со Солиз.
Во август 2023 година, се појавија гласини дека Спирс „зближува“ со Солиз, нејзиниот поранешен куќен помошник, но упатените во тоа време велеа дека се загрижени за пејачката со оглед на неговото криминално минато. Судските записи, претходно добиени од страна на „Пејџ сикс“, покажуваат дека тој бил обвинет за повеќе прекршоци, па дури и за кривично дело затоа што поседувал огнено оружје.
Потсетуваме дека Бритни се разведе со Сем Асгари, а разводот беше завршен минатиот четврток.
