Пејачот Димитар Андоновски и неговата сопруга Христина во август во 2015 година ја крунисаа својата љубов со брак, a во октомври истата година направија свадба за паметење, на која тој запеа и ѝ посвети песна.
На свадбата запејаа многу пријатели од естрадата на Димитар. Во 2017, на Христина која е од Прилеп, и битолчанецот Димитар им се роди синот Михаил. Во 2022 година, се роди нивниот син Гаврил.
Инаку, остана запаметено дека Димитар кој е и менаџер на еден клуб во Битола, јавно, на концерт на Каролина Гочева, ја побара за жена својата тогашна девојка со која е веќе една деценија во брак.
Димитар викендов славеше двојно, неговиот роденден и јубилејот со неговата сопруга. Па објави сториња со ѓезме во двор, во домашна атмосфера, како тој со најблиските пее и се весели.
А на една слика со торта, тој е со семејството и има две свеќи, 40, за неговиот роденден и 10 за годшнината од бракот со сопругата Кристина. „Смислата на животот“, пишува до оваа слика со два убави поводи.
