Актерката Јелена Јованова објави фотографија без шминка, во домашна атмосфера, каква што не сме ја виделе досега. Јелена изгледа одлично во природно издание, а фотографијата е објавена со посебен повод.
По повод нејзиниот 41. роденден. Покрај фотографијата, актерката која живее во Загреб со сопругот и со децата, им се заблагодарила на сите што ѝ посакале среќен роденден.
Во септември во 2024 година, Јелена и нејзиниот сопруг, актерот Стјепан Периќ го добија својот втор син. Таа како и првиот пат, успешно ја криеше и втората бременост од јавноста, а веста за породувањето ја соопшти нејзиниот брат на Фејсбук.
„Нека ни е живо и здраво, станав вујко по вторпат. Честито Јелена“, напиша брат ѝ на Јелена, Гоце.
Јелена го роди синот Јаков за време на пандемијата, во јуни во 2020 година. Тогаш, среќната вест прв ја објави Игор Џамбазов.
– Познавајќи ја природата на нашата работа, што бара таа, работното време што не е стандардно – сигурно ќе донесеше поголем предизвик да не го делев животот со човек што е од истата бранша. Не само од аспект на родителство.
Нам сѐ уште ни успева да се следиме еден со друг каде и да нѐ носи работата. Свесно го правиме тој избор. Не ми се допаѓа кога ќе слушнам како мајката го фали таткото дека ѝ помагал со децата.
Нема што да помага. Погрешна е перцепцијата. Едноставно детето е и негово и обврските се еднакви – рече Јелена во едно интервју за „Слободен печат“.
