Партнерката на актерот Лазар Ристовски, Аница Лазиќ, повторно ги вжешти социјалните мрежи со објава посветена на машко-женските односи.
Иако нивната врска често е тема во јавноста поради големата разлика во години, Аница и Лазар веќе подолго време уживаат во хармонична љубовна врска и не обрнуваат внимание на предрасудите и коментарите.
Аница на Инстаграм сподели порака во која се вели:
„Бог ја создал жената така што сè што ќе прими, го умножува и го враќа. Ако ѝ дадеш семе – ќе ти роди дете. Ако ѝ дадеш намирници – ќе ти подготви ручек. Ако ѝ дадеш љубов – ќе ти врати уште повеќе љубов. Ако ѝ дадеш фрустрација – и тоа ќе ти го врати. Ако не ти се допаѓа тоа што го добиваш, запрашај се што ѝ даваш.“
Нејзината објава предизвика бројни реакции на социјалните мрежи.
Љубовната врска меѓу Лазар Ристовски и Аница Лазиќ стана јавна по разводот на актерот со Даница Ристовски, со која има два сина. И покрај негативните коментари што понекогаш ги добиваат, двајцата не ја кријат својата блискост и често покажуваат дека уживаат во заедничкиот живот.
