Српската фолк-ѕвезда Ана Бекута беше во Скопје со посебен повод.
Дека македонските свадби се синоним за најдобра забава е веќе добро познато, но кога на една таква прослава како изненадување ќе се појави легендарната Ана Бекута, тогаш загарантиран е вистински спектакл.
Викендов, водителката Марјана Станојковска сподели видео на кои српската фолк дива доминира на подиумот во еден познат скопски ресторан.
Видно расположена и во елегантно издание, Бекута уште еднаш покажа зошто со децении е на самиот врв на регионалната музичка сцена.
Штом ги запеа своите безвременски хитови, гостите не претстанаа да играат. Придружувана од мајстори на хармоника и труба, Ана создаде амбиент кој ретко се доживува.
Пејачката која го испеа хитот „Стариот џумбушлија“ на фолк фестивалот „Валандово“ во неколку наврати има изјавено дека ужива при секоја посета на Македонија, а според видеата, така било и овојпат.
Бекута, позната по нејзината бескрекорна елеганција облече долг црн фустан со впечатлив накит.
