Водителката Сузана Манчиќ и бизнисменот Симеон Окомокос се заедно речиси 25 години.
Тие се венчаа во јули 2018 година во бајковито место во Грција, од каде што е и тој, а животот на популарната српска водителка одлично се балансира меѓу Белград и Атина.
Далечината, очигледно, никогаш не била проблем за нив.
Сузана деновиве е во главниот град на Грција, каде што времето е многу поубаво отколку што е моментално во северните делови на Балканот.
Симеон се заљубил во Сузана неколку години по пропаѓањето на неговиот прв брак, од кој има две ќерки. Тој е почитуван бизнисмен и многу вешто го одржува балансот помеѓу приватниот и професионалниот сегмент од животот.
И после толку години тајновитост околу бизнисот на Симеон, и воопшто со што тој се занимава, српските медиуми октрија повеќе детали за богатиот и „прочуен“ Симица.
Студирал право и економија на Универзитетот во Атина. Неговата деловна биографија е богата.
Бил комерцијален експерт во Американската амбасада во Атина, извршен директор на Американско-грчката стопанска комора, како и генерален секретар за деловни совети меѓу Грција и неколку други земји. Во 1997 година ја основал SGT, компанија за корпоративни комуникации, во Атина, а три години подоцна била отворена филијала и во Белград – Tsomokos Group International, пренесуваат српските медиуми и истакнуваат дека прочуениот Симица е исклучително богат.
