(Фото) Нечовек среде Карпош го убил омиленото маалско куче: „Извини Тоби што живееше во овој суров свет“

Тина Мицковска, активистка за заштита на животни, објави на социјалните мрежи вознемирувачка и многу тажна информација.

Маалското куче Тоби, омиленото милениче кое живееше во маалото кај „Млечен“ ресторан, мирно и питомо, сакано и одгледувано од сите жители, е убиено со огнено оружје и тоа среде градската населба Карпош.

 

-Маалскиот миленик Тоби од Млечен, мирно куче кое сите таму го чуваа и хранеа, денеска за жал го пронајдоа УБИЕН И ПУКАН со ПУШКА спроти Сидро. Некој монструм се дрзнал насред Карпош да пука со пушка во најмирно куче НАСРЕД БЕЛ ДЕН, помеѓу 8:30 и 09:00 утрово. До кога ќе се дозволува вакви психопати да шетаат слободно? Пред некое време во близина беше пукано и во нашиот маалски миленик Џамбо и ништо чудно да се работи за истата будала што може утре да пука и во човек. Доколку некој има некакви информации, ве молам споделете да помогнеме на МВР побрзо да се пронајде, напиша Мицковска на Фејсбук и додаде. 

 

„Извини Тоби што живееше во суров свет, трчкај слободно сега горе“.