Познатата инфлуенсерка Ела Дворник (34) ги изненади своите следбеници со признание дека повторно престојува во ист дом со поранешниот сопруг Чарлс Пирс и нивните деца, во семејната куќа во Истра.
„Првата недела од вториот месец значи дека повторно одам една недела да живеам со мојот поранешен сопруг“, откри Ела преку Инстаграм-стори, додавајќи и детали од секојдневието во куќата. Таа посочи дека овојпат носи само облека за тренинг и пижами, бидејќи, како што вели, куќата е исклучително студена.
„Иронијата е што куќата е ладна, а во неа поминуваме вистински пекол на земјата“, напиша таа искрено.
Овој, за многумина необичен, животен аранжман е резултат на привремена судска одлука за заедничко старателство. Како што појасни Ела, нивните ќерки моментално живеат со таткото во семејната куќа во Истра, додека таа е подстанар во Нов Загреб.
„Имаме поделено старателство, засега. Судот одлучи девојчињата да живеат со таткото, а јас сум под кирија“, објасни инфлуенсерката.
Според привремената мерка, Ела и Чарлс секои две недели поминуваат по седум дена заедно со децата во истото домаќинство.
„Ова е најголемиот апсурд што сум го доживеала, но очигледно и тоа постои. Кога е мојата недела, сите четворица живееме заедно – како среќно семејство. Можам да се шегувам со ова, бидејќи ниту мене, ниту нему не ни е пријатно, но така е одлучено“, напиша Ела.
Ела Дворник и Чарлс Пирс се венчаа во 2019 година, а три години подоцна почнаа гласините за развод. Во август 2023 година, инфлуенсерката јавно потврди дека поднеле барање за спогодбен развод, по неколкумесечен одвоен живот.
