Светските медиуми на 15 февруари објавија дека холивудската актерка Ракел Велч починала по кратко боледување.
Речиси два месеци подоцна, ТМЗ објави дека познатата актерка починала од срцев удар и Алцхајмерова болест.
Ракел е родена на 5 септември 1940 година во Чикаго, а поради убавината и „раскошните облини“ беше секс симбол во седумдесеттите години на минатиот век.
Таа ги одигра најпознатите улоги во филмовите „Фантастично патување“ и „Милион години пред Христос“.
Покрај тоа, таа имаше забележителни улоги во продукциите „Чудотворец“, „Тројцата мускетари“, „Четирите мускетари“ и други.
Таа беше мажена четири пати, а последен сопруг беше Ричард Палмер.
