Британската пејачка со албанско потекло Дуа Липа ќе биде една од познатите ѕвезди, кои се појавуваат во претстојната серија Camden („Кемдн“), во режија на наградуваниот Есиф Кападија.
Проектот, кој се фокусира на влијанието на лондонскиот кварт Кемдн, исто така во центарот на вниманието ќе ги стави Крис Мартин од „Колдплеј“, Марк Ронсон, Бој Џорџ и бендот „Блек ајд пис“.
Поединечните епизоди ќе ги водат Тоби Трекмен, Јеми Бамиро и корежисерката Сара Ламберт.
Плановите за снимање на документарната серија беа објавени во средата за време на ТВ-фестивалот во Единбург, пренесува „Холивуд репортер“.
