По повод јубилејот што годинава го прослави кралицата Елизабета Втора, нејзиниот внук, принцот Вилијам и неговата сопруга Кејт Мидлтон отпатуваа во нејзино име на кралска турнеја по Карибите. Додека тие уживаат во убавините на недопрената природа, нивните три деца се далеку од нив илјадници километри.
На кралската турнеја по Карибите, принцот Вилијам и Кејт Мидлтон уживаат како пред бракот, кога нивните три деца не беа постојано околу нив. Имено, принцовите Џорџ и Луис и принцезата Шарлот не отпатуваа со родителите на турнеја, првенствено поради нивните училишни обврски.
Но кој се грижи за нивните деца?
Најдоверлива личност за тоа е дадилката Марија Тереза Турион Борало, која долго време ја докажува својата стручност во кралското семејство.
Имено, Марија Тереза Турион Борало работи за кралското семејство откако принцот Џорџ наполни осум месеци, а меѓу препораките да ја добие работата е и нејзината диплома од престижниот колеџ Норланд во Бат. Дадилката имавме можност да ја видиме неколку пати на официјалните кралски настани, како Trooping the Color.
Но, госпоѓицата Борало не е единствената што се грижи за Џорџ, Шарлот и Луис додека нивните родители се отсутни. Тоа го прави и нивната баба, мајката на Кејт, Керол Мидлтон, која покрај трите внуци од постарата ќерка, има уште двајца од помладата, Пипа.
View this post on Instagram
Во една прилика виталната баба откри дека сака да трча со внуците по ридовите, да се качува по дрвја, но и да се спушта по тобогани. „Додека можам така ќе го поминувам времето со нив. Заедно готвиме, танцуваме, возиме велосипеди“.
Инаку, Џорџ, Шарлот и Луис се многу приврзани и за нивниот дедо Мајкл Мидлтон, кој исто така постојано им угодува додека нивните родители се на патување.
View this post on Instagram
