Освен ако не живеете во пустина, веројатно сте целосно свесни дека Барбиеманија го зафати светот. Во режија на Грета Гервиг, со Марго Роби во улога на легендарната кукла Барби и Рајан Гослинг како нејзиниот партнер Кен, филмот ги „запали“ киносалите ширум светот.
Помина одлично кај гледачите, дотолку што некои жени дури и ветија дека ќе ги остават своите момчиња, одосно мажи, ако не се согласуваат со феминистичката порака на филмот.
На социјалната мрежа ТикТок, еден корисник отворено рече: „Пушти го маж ти да ја види Барби. Ако не го разбира филмот, остави го“. Друг корисник пак додаде: „Ако излегуваш со маж, а тој не ја сака Барби, треба да му раскинеш“. Корисниците на социјалните мрежи сугерираат дека филмот можеби е добар начин да се тестира дали вашиот партнер е тој, вистинскиот:
„Мислам дека да го однесеш дечко ти да ја гледа Барби треба да биде тест за врска за да се одлучиш дали е тој добар за долгогодишен партнер“.
Во меѓувреме, на Редит жените споделуваат слични размислувања.
„Се чувствувам како будала што дозволив филмот Барби да влијае на мојата врска и на начинот на кој сега го гледам моето момче“, пишува една девојка на ТикТок.
Будали или не, гледајте ја „Барби“.
