„Во текот на 1970-тите на самиот почеток на мојата кариера за да успеам како актер, гладував. Имав доволно среќа да работам, но тогаш немаше многу актери кои заработуваа пари. Мојот главен оброк беа јајцата“, изјавил слвниот актер Ричард Гир за „Пејџ сикст“ каде зборувал за неговите рани денови кога се борел да се прослави во светот на филмот.
Одењето во ресторан за него било сосема нереално, а тие времиња биле, признал тој многу тешки, дури и очајни.
„ Бев на Бродвеј за прв пат. Јас всушност работев надвор од Бродвеј. Во Њујорк никој не заработуваше пари. За жал, гладот беше нешто сосема вообичаено. Да се биде гладен беше нормално за многу луѓе, особено за актерите кои го започнаа своето патување во Њујорк. Затоа оваа организација ми е толку важна”, рекол Гир за добротворната организација за храна City Harvest.
Храната, додал актерот, е од суштинско значење за животот и многу луѓе ја немаат во Америка.
„Сè е скапо во моментов. Затоа, среќен сум што ќе помогнам кога станува збор за добивање хранлив оброк на луѓето. Тоа е основно човеково право “, рекол Гир.
