Некои Хрвати не се откажуваат од забраната за настапи на српските пејачи, а сега отидоа чекор подалеку.
Порталот „Јутарњи лист“ објави текст со наслов „Лепење плакати на Цеца низ Загреб е исто како и лепење плакати на Ева Браун во Израел“, инспириран од фактот што претходните денови биле поставени билбордите на Ражнатовиќ во главниот град на Хрватска како најава за концерт во Марибор (истите беа уништени).
Текстот е потпишан од Томислав Чадеж, а содржината може да се прераскаже во една реченица. Накратко, Светлана Цеца Ражнатовиќ е вдовица на Жељко Ражнатовиќ Аркан, воен злосторник кој се борел во Хрватска, ограбувал и правел секакви други работи. Во основа, наратив што е добро познат за него. Еве ја клучната реченица која заврши во насловот, а тоа е споредбата на Светлана Ражнатовиќ со Ева Браун, сопругата на Хитлер.
Политичкиот аналитичар Бранко Радун истакнува дека е страшно Цеца да се споредува со нацистите.
– Не сум некој нејзин обожавател, но ова е навистина страшно и претставува порака до Србите. Да не беше Србинка, да не од Србија, немаше да има никаков проблем, без разлика чија жена е. Споредувајќи ја со нацистите, пораката е дека тие всушност ги споредуваат Србите со нацистите, сакаат да кажат дека српската народна музика е израз на некаква српска агресија кон Хрватска, односно дека е опасна за нив. – вели Радун за српски Курир.
Тој потсетува дека во 90-тите Хрватите целосно ја забранија српската музика во сите медиуми, како и одржувањето на настапи од српски изведувачи.
