Фолк пејачката Цеца Ражнатовиќ реши да воведе новитет, па се впушти во целосна реконструкција на својата вила која ја поседува на Кипар.
Цеца за овој проект ја ангажирала фирмата на нејзината кума Виолета Вики Миљковиќ за целосна промена на објектот.
Како што дознава српски Телеграф, Цеца е решена целосно да го сруши стариот објект и на истото место да изгради нов, уште поголем.
„Вики го посети Кипар пред две години за да види што треба да се направи. Тимот архитекти го кажа своето мислење, но на крајот Цеца реши да ја сруши вилата и на истото место да изгради нова, многу поголема, дури 600 метри квадратни“, изјави изворот за српски Телеграф и додаде:
„Дизајнирана е целосно нова вила. Цеца уште не почнала со реновирање на вилата, таа работа допрва ја чека“.
Според информациите, новата вила ќе има три ката, на третиот е предвиден спа центар според проектот, а ќе биде поставено и џакузи од кое ќе има директен поглед на морето.
Да потсетиме, Цеца во неколку наврати има изјавено дека дизајнот на ентериери е нејзино хоби, како што пренесува српска „Нова“.
