Бијонсе и нејзиниот сопруг Џеј Зи се „уловени“ на одмор во Италија, на Езерото Комо, сместени во „бесна“ вила. Папараците ги фотографирале додека уживале на балконот од вилата.
Beyoncé, Jay-Z and Blue Ivy were seen in Lake Como, Italy. pic.twitter.com/YJ8xMHBabr
— @21metgala (@21metgala) June 26, 2023
Одморот доаѓа во деновите на пауза на пејачката од светската турнеја „Ренесанса“. Моќниот пар се почести со релаксирачки викенд во најомилената дестинација на ѕвездите. Инаку, ова за нив не е првпат да одмораат токму тука, на Лаго ди Комо. Но, овојпат тие се гости на нивниот пријател Џек Дорси, ко-основач на Твитер и еден од најбогатите луѓе во светот (според Форбс неговиот личен имот изнесува 4,2 милијарди долари).
Beyonce, Jay Z and Jack Dorsey at Lake Como pic.twitter.com/mQpvWmRT8e
— Just a stan of many things (@QuasimodoZegler) June 26, 2023
На фотографиите објавени од Дејли Меил кои ги обиколија социјалните мрежи, 41-годишната пејачка се релаксира на панорамскиот балкон на прекрасната вила со поглед на езерото во друштво на нејзиниот сопруг Џеј Зи, Дорси и група пријатели. Раперот и претприемач потоа бил забележан на јахта, а судејќи по насмевките изгледа дека особено уживал во возењето низ езерото.
Којзнае дали нашле време да се сретнат со најпознатите граѓани на Комо, Џорџ Клуни и неговата сопруга Амал или да организираат обиколка и разгледување на најубавите куќи кои се на продажба.
Beyoncé ontem na Itália 🇮🇹. pic.twitter.com/G17qakyrQx
— BEYHIVE (@beyhivecombr) June 26, 2023
Како што потсетува Architectural Digest, Џеј Зи и Бијонсе поседувале куќи во Њујорк, Њу Орлеанс, Хемптонс, Мајами Бич и Лос Анџелес од нивната венчавка во 2008 година, а последниот „шопинг“ на имот ги освои сите насловни страници на светските таблоиди. Имено, двојката штотуку купила дворец, поточно мега-замок во Малибу со поглед на Тихиот Океан во областа наречена Ред на милијардери, за 200 милиони долари, што го прави најскапиот дом некогаш продаден во државата Калифорнија и втор најскап во Соединети Држави.
