Хрватската пејачка Северина објави две нови песни на својот Јутјуб канал од нејзиниот нов албум „Сори“.
„Сори што долго го чекавте албумот“, напиша на Фејсбук Северина, а за премиерата на песната „Метак“ додаде:
„Песната можеше да биде подобра, а можеше да биде и полоша“.
Насловната песна „Сори“ и „Метак“, кои ги изведува со младиот трап рапер Нучи, претставуваат две од петте нови песни што Северина ќе ги претстави наскоро.
„Албумот е денс поп албум и е наменет за сите што сакаат забава, танц и се што им се допаѓа на младите. Беше замислено без патетики и претенциозност и успеав“, изјави Северина, пренесуваат хрватските медиуми.
Автор на музиката, текстот и аранжманот на двете песни е Филип Милетиќ, а режисерот Немања Новаковиќ е автор на спотовите.
