Саша Поповиќ ѝ ги додели клучевите од автомобилот „Фиат типо“ на победничката Славица Ангелова во популарното шоу „Ѕвездите на гранд“.
„Ух кога ќе се појавиш во Струмица со овој автомобил, а сите знаат дека си го добила, откако победи во „Ѕвездите на гранд“, тоа ќе биде шоу, рече Поповиќ.
Нашата Славица на Саша му потврди дека има возачка дозвола и дека знае да вози автомобил.
Поповиќ додаде дека е горд поради тоа што победила и заслужено го добила овој автомобил.
– Кариерата ќе ја гради и во Македонија и во Србија, ќе добие песна, спот, ќе гостува во сите наши емисии. Веруваме дека многу повеќе шанси има во Македонија, бидејќи е прва нивна победничка во ова шоу, но секако ќе се трудиме да ја туркаме и во БиХ, Србија и Црна Гора, изјави Поповиќ.
