Принцот Хари го загуби спорот против британското Министерство за внатрешни работи. Британската полиција нема да може да му послужи за заштита на него и на неговото семејсто.
Принцот Хари, синот на кралот Чарлс Трети, ја загуби тужбата против Министерството за внатрешни работи на Обединетото Кралство, кое во 2020 година одлучи да не му ја обезбеди нему, на неговата сопруга Меган Маркл и на нивните две деца потребната заштита за време на нивниот престој во Велика Британија и им забрани да плаќаат за самата услуга. Ова го објави Ројтерс повикувајќи се на одлуката на Високиот суд во Лондон.
Судот ја донесе соодветната одлука поради тоа што војводата и војвотката од Сасекс одбиле да вршат службени должности и го загубија кралскиот статус.
Судијата Мартин Чембрлен не му дозволи на принцот Хари да поднесе барање за судска ревизија.
Во март 2021 година, принцот Хари и Меган Маркл ѝ дадоа скандалозно интервју на познатата американска водителка Опра Винфри, во кое го обвинија кралското семејство за рамнодушност, постојан притисок и расизам. Оттогаш, односите меѓу војводите од Сасекс и кралот Чарлс III и неговите роднини станаа напнати. Во моментов, принцот Хари со сопругата и двете деца живеат во САД.
