25 рецепти за 25.000 илјади вкусни и здрави навики со Cooking with Branko.
За мене љубов е секој ден и секој момент, a овој ден нека биде причина плус за нова среќа, нови моменти и насмевки. Ви сервирам љубов во чинија со многу многу причини денес да се најде на вашата трпеза. Нема да ви одземе повеќе од 30 минути, а ќе биде основа за нови љубовни и убави моменти со целата фамилија– вели шеф Бранко Попоски познат како Cooking with Branko.
Тарт со сирење, чоколада и лимон
Потребни состојки
За долниот дел од тартот:
– 100гр. мелена плазма
– 60гр. ореви
– 60гр. бадеми
– 60гр. индиски ореви
– 6 лажичи кокосово масло или 30гр. путер
– 1 цеден лимон (сол од лимон)
– Мала лажичка путер од какао
За кремот со маскарпоне
– 250гр. маскарпоне
– 2 лажички екстракт од ванила
– 3 големи лажици мед
– 1 лажичка путер од какао
– 3 лажички кокосово масло
За кремот со чоколадо
Две полни раце капки или ситно сечкано белгиско чоколадо
За декорација
– Чоколадо во прав
View this post on Instagram
Начин на подготовка
Во блендер ставете ги оревите, индиските ореви и бадемите. Блендирајте додека не добиете прашкаста смеса во која ќе ја додадете плазмата, кокосовото масло или растопеното путер и лимоновиот сок. Измешајте убаво и со тапкање во округлиот сад формирајте го долниот дел од тартот. Оставете да се стегне во фрижидер
Состојките за кремот ставете ги во сад, земете миксер и гответе се додека не добиете крем смеса. Смесата истурете ја врз долниот дел од тартот, израмнете убаво и вратете ја во фрижидер.
Чоколадото топете го на ниска температура со постојано мешање, и така растопено истурете го врз белиот крем. Премачкајте убаво и рамномерно.
Врз чоколадото додадете чоколадо во прав и рендана кора од портокал и лимон.
Многу е вкусна, ќе се изненадите од леснотијата при самото јадење!
