– Како што најавивме, за време на викендот, како и во почетокот од следната недела ќе имаме повеќе облачност и ќе има услови за слаби локални врнежи од дожд и снег на планините. Утре ќе дува слаб до умерен, а Долж Повардарието повремено засилен ветер од северен правец, вели Славчо Попоски метеопрогнозер.
Што се однесува до температурите, тие ќе бидат натпросечно високи и ќе се искачуваат во интервалот од 9 до 17 степени, додека мало опаѓање на истите ќе има од недела и максималните дневни температури на воздухот тогаш ќе се искачуваат во интервалот од 6 до 14 степени.
И во Скопскиот регион од утре па натаму ќе има повеќе облачност, додека утре ќе дува умерен, повремено засилен ветер од северен правец. Сепак температурите ќе бидат релативно високи и натпросекот за овој дел од годината и максималните дневни во следните денови ќе се искачуваат во интервалот помеѓу 12 и 13 степени.
