Српските медиуми деновиве пишуваа дека популарниот рокер Момчило Бајагиќ-Бајага, наводно, завршил на лекување од алкохолна зависност на една приватна руска клиника во Земун. Конечно, се огласи Бајага и ги демантираше овие пишувања.
Според некои наводи наводно Бајага се обратил за помош за да се одвикне од алкохолот. Има сериозни здравствени проблеми со црниот дроб. За неговото здравје интензивно се грижел доктор-специјалист, дојден само за тоа, дури од Москва.
Рускиот специјалист внимателно и секојдневно ја следи оваа долгогодишната болест на Бајага. Мора така поради неговото неконтролирано консумирање на алкохолот бидејќи му е уништен црниот дроб.
– Кај нас во Србија е особено прифатливо да се пие, да се наздравува во сите ситуации. Ретко кој, дури и кога ќе дојде до сериозен проблем, не сака да оди на лекување, велат српските доктори, опишувајќи ја сегашната ситуација со Бајага.
Рокерот во последен судбоносен момент реши да ги земе работите во свои раце, да дојде во оваа позната клиника, каде што успешно се лекува алкохолизмот. Тоа е мачен долготраен процес.
-Менталниот проблем од целосната апстиненција од алкохол сè уште може некако да се реши, но штетните физички ефекти што ги остава долгорочната консумација на алкохолни пијалаци врз неговите органите се тешки за лекување, велат докторите, а кои се големи оптимисти.
Меѓутоа, Бајага во својот стил ги демантираше сите овие приказни
-Јас сум одлично, супер се чувствувам, никогаш подобро. Веста за моето лекување од алкохолот не е точна. Тоа се подметнати лаги! Од мојата конкуренција. Немам јас проблем со моето здравје. Се чувствувам одлично, се подготвувам да заминам на море, на одмор. Ви благодарам за грижата, отсечно возвратил Бајага, не криејќи ја дури и лутината поради ваквите озборувања.
