Анастасија и Немања Гудељ прославуваат две години брак, откако пред матичар го изговориле судбоносното „да“, додека црковната венчавка ја направиле една година претходно – на 14 јули.
Брачниот пар тајно се заколнал на вечна љубов во вила на Дедиње, во присуство на најтесното семејство и кумовите. Анастасија за интимната церемонија избрала долга свилена тоалета, а младенците се погрижиле и за уредување на внатрешноста на вилата.
Иако сè било организирано во кругот на семејството и без многу гости, Анастасија го фрлила и невестинскиот букет, по кој посегнала и Цеца. Она што ги насмеало сите во тој момент било тоа што бабата на сестрите Родиќ била побрза од Цеца и токму таа го фатила букетот.
Ќерката на Цеца веќе неколку години живее во Севиља со Немања, а повремено доаѓа во Белград. Цеца неколкупати ја посетила таму, додека братот Вељко сè уште не бил кај сестра му.
Парот се запознал во 2022 година, кога и ја започнале врската. Се сретнале преку заеднички пријатели, а Анастасија брзо сфатила дека токму тој е вистинскиот.
„Се запознавме преку пријатели, веднаш си одговаравме. Кај него ми се допаѓа сè, засега сè е во ред“, изјавила тогаш Анастасија и открила дека уште на почетокот од врската му подготвила јадење на својот избраник – пита со месо.
