По емотивната балада посветена на трагично починтите сопруг и ќерка која ја испеа на „Фолк фест Валандово“, се олгаси пејачката Благица Калева.
Таа за песната „Солзи немам“ зема две награди, втора награда за песна и признанието за најдобра интерпретација.
Како што објави „Слободен печат“, Калева доживеа страшна семејна трагедија во 2002 година, кога во тешка сообраќајна несреќа на патот кон Скопје ги загуби својот сопруг Костадин Калев – Дине, кој беше познат струмички музичар, и нивната помала ќерка Викторија. На својата ќерка Марија, која ја израдува со внукот Виктор и внуката Софија, Калева ѝ ја посвети песната „Горда мајка“.
Откако ги зема двете награди со насолзени очи, фолк-пејачката се огласи на Фејсбук.
„Сè што ми се случи во живото, направи да се зајакне мојата хуманост. Дури откако човек ќе се најде во очи со некоја трагедија ја сфаќа многу подобро целата тежина на трагедиите на сите луѓе. Тука сум секогаш кога треба за да пружам поддршка и помош на сите ранливи категории граѓани. Пејам на хуманитарни концерти, помагам на свој начин, со песна“, изјави пејачката од Струмица претходно.
